Paglipas ng tatlong taon, sa isang bundok sa Sol…

Isang lalaki na may bitbit na basket ang naglalakad sa lupain. Habang hawak ang isang kalawit, may suot siyang simpleng damit at isang pares ng sandals. Puno ng mga halaman ang kanyang basket na binunot niya mula sa lupa.

"Huh, ano 'tong halaman na 'to?"

Bigla siyang nakakita ng isang kulay berdeng liwanag sa may bangin sa malayo. Kahit na sandali lang itong lumiwanag, nakita ito ng lalaking napakalinaw na paningin kahit na isang daang metro ang layo nito.

Habang nagsasalita siya, tumalon siya sa ere at lumipad siya papunta sa bangin. Habang nakatayo siya sa ere, tinitigan lamang niya ang halaman.

Ang halaman, na mukhang isang orchid mula sa labas, ay namukadkad ng kulay pula. Noong mga sandaling iyon, naaamoy niya din ang halimuyak ng halaman.

Ang lalaking ito ay si James, na tatlong taon nang namumuhay ng malayo sa kabihasnan. Sa nakalipas na tatlong taon, nangongolekta siya ng mga halaman sa kabundukan sa tuwing libre