CHAPTER 14

“Mommy, there are cars outside the house,” wika ng kagigising pa lang na si Amber habang nakaluhod ito sa upuan at nakatingin sa labas.

Alas-syete na nang gabi nang makarating sila sa bahay ni Auntie Marigen. Bukas ang lahat ng ilaw ng bahay. Nasa anim na kotseng hindi pamilyar sa kanya ang nakaparada sa harap ng bahay.

“Oh em gee! It’s Lolo! It’s my Lolo!” sigaw ni Amber nang lumabas si Luigi sa front door. “Lolo Handsome in the world!!!”

Hindi magkamayaw si Amber pababa ng upuan nang itinigil ni Riguel ang kotse. Tumalon ang bata palabas ng backseat at maliksing nilapitan ang kanyang ama.

“Lolo, I’m here. Amber is here!”

Tumili ang anak niya nang sinalo ito ni Luigi at binuhat pataas sa ere. Umere ang halakhak nito nang pabirong itinapon-tapon ito ng kanyang ama bago sasaluhin.

“Dad,” tawag niya niya sa amang tumutubo na ang mapuputing balbas sa panga.

“Chelary, my princess.”