Nang sandaling ito ay may anyong mabilis na lumipad galing sa mga puno!

Bam! Bam! Bam!

Sa isang kisap mata ay napindot ang mga acupoints ng mga alagad bago pa man sila maka-react at maintindihan ang nangyayari.

Lumapag ang nilalang sa harapan ni Shelly at masamang ngumiti, kita sa mga mata nito ang galit at pait.

Ito ay walang iba kundi si Leroy Henderson.

“Ikaw…” Nag-iba ang ekspresyon sa mukha ni Shelly. Tiningnan nito si Leroy at nagsalita habang nanginginig ang boses. “Sino ka? Anong gusto mo?”

Iba’t iba ang ekspresyon nito nang tumingin siya kay Lydia matapos niyang magsalita at mapagtantong naisahan siya.

“Sino ako?” Pagsinghal ni Leroy. Mapaglaro ang mga mat anito nang tingnan niya si Shelly. “Dapat mong tanungin ang asawa mong si Chester. Hindi ba’t napakamakapangyarihan nilang tatlong magkakapatid nang magsanib at sirain ang aking Kunlun Sect? Tingin ko ay hindi nila akalaing mapupunta sa kamay ni Leroy Henderson ang pinakamamahal niya! Hehe.”

‘Ano? Leroy Henderson?!’