“Halika rito Darryl, maupo ka.” Ngiti ni Megan. Kumuha siya ng isang upuan sa kaniyang tabi habang hindi pinapansin ang nanghuhusgang tingin ng mga tao sa kaniyang paligid.

Aalis na sana si Darryl pero natouch siya sa ipinakitang sinseridad ni Megan kaya kalmado siyang umupo sa upuang inabot nito.

“Meg Love, bakit ka naman nakikipagkaibigan sa isang katulad niya?” Sabi ng nakabalik na sa realidad na si Kent—na nacoconfuse na nagtanong kay Megan.

Dahan dahan namang nagbuntong hininga si Megan at sinabing “Kent, hindi mo ba kayang huwag husgahan ang isang tao nang ayon sa panlabas nitong katangian? Pantay pantay lang ang lahat sa paningin ko. Kaya ano naman kung isa lang nakikitirang manugang si Darryl sa kaniyang mga biyenan? Ang ibig ba noon sabihin ay hindi na ako maaari pang makipagkaibigan sa kaniya?” Paliwanag ng nagpapasensyang si Megan.

Natigilan dito si Kent. Iniling naman ni Megan ang kaniyang ulo at kinuha ang Godly Pill sa kaniyang bag. “Hindi ba’t nastuck ka na sa ika