Huminga ng malalim si Master Magaera bago ito sumagot gamit ang kalmadong tono ng kaniyang boses. “Sige, naiintindihan ko.”

Bahagya namang naging emosyonal si Lucifer sa kabilang linya. “Hahanapin ko po ang may gawa nito, Sir! Ang lakas ng loob niyang pagplanuhan ang inyong pagkamatay?! Hinding hindi ko siya mapapatawad.”

Hindi naman nagfocus sa bagay na iyon si Master Magaera. “Ikuha mo ako ng sasakyan ngayundin.”

Napatigil naman dito si Lucifer. “Oh? Saan po kayo pupunta ng ganitong oras, Sir? Makikipagkita po ba kayo kay Yitty?”

Napasimangot naman ang naiinis na si Master Magaera sa mga sinabi ni Lucifer.

‘Sino si Yitty?’

“May mga kailangan lang akong asikasuhin.”

Napagisip isip na ni Master Magaera ang kaniyang gagawin. Sasabihin niya sa Heaven Watcher kung sino talaga siya para magpadala ng mensahe kay Empress Heidi gamit ang mga sundalo ng Godly Region.

Malayo layo ang lokasyon niya sa Heaven Watcher at kasalukuyan din siyang hindi makakalipad gamit ang kaniyang lakas.

K