“Ikaw—"

Sumama ang mukha ng lahat nang marinig nila ang babala ni Zephyr. Dito na sila tumingin sa isa’t isa.

Bahagi si Zephyr ng Elysium Gate! At humahawak din siya ng napakataas na posisyon sa sektang ito, pumapangalawa lang siya sa Sect Master!

Inabot ng sampung segundo ang katahimikang bumalot sa Wishing Star Tower.

Dito na umabante ang Sect Master ng Wanderer’s Sect na si Naomi Grand para sabihin kay Zephyr na, “Nasa panig na ngayon ng New World ang traydor na si Darryl! Patawarin mo kami pero hindi namin magagawang pakawalan ang mga magulang nito!”

Dito na rin umabante si Master Leonard, buong puso niyang sinabi na, “Oo nga, sumuko na si Darryl na dating parte ng World Universe sa mga rebelde para tulungan ang mga banyaga na sakupin ang kaniyagn bayan. Walang kapatawaran ang bagay na ito. Kaya paano namin magagawang pakawalan nang ganoon ganoon na lang ang mga magulang niya?”

“Oo nga! Kung ganoon nila palalakihin ang walang kuwenta nilang anak, bakit natin sila pakakawalan?