Walang pinagsabihan na kahit sino si Katherine na bumagsak siya ng dalawang level at naging isang Level Four Master General na lamang. Kaya paano ito nalaman ni Darryl.

“Ms. Katherine,” Tawa ni Darryl habang dahan dahang nagsasalita. “Gaya ng sinabi ko kahapon, mayroong issue ang Spirit Petrification Elixir na ibinigay ni Declan sa inyo kahapon. Pero sa kasamaang palad, walang kahit na sino ang naniwala sa akin.”

Hindi naman ito sinagot ni Katherine, ninenerbiyos niyang kinagat ang kaniyang labi. Dahil nga ba talaga ito sa Spirit Petrification Elixir?

“Kung hindi ako nagkakamali, babagsak ka ng dalawa pang level sa bawat sumunod na araw,” nagpatuloy si Darryl sa pagsasalita. “Ayon sa kasalukuyan mong level, magiging isang ordinaryong tao ka na lang sa loob ng isang linggo.”

Dito na nagdilim ang itsura ni Katherine. Agad na nagpakita ang takot sa kaniyang mga mata habang nanginginig ang kaniyang mga labi.

Naghirap siya nang husto para maging isang Level One Master Marquis. Nagawa p