Patuloy ang pagtulo ng malamig na pawis ni Nathan. Sa wakas ay nagtanong ito sa katabi niyang sundalo. “Anong nangyari? Sabihin mo sakin ang totoo, huwag kang magattago ng kahit ano.”

Nanginig ang sundalo nang maingat nitong ipinaliwanag ang sitwasyon.

Nagpatuloy sa pagsasalita si Zane matapos magpaliwanag ng sundalo. “Ama, inimbita ko lamang si Miss Synder para maging bisita ko sa mansyon. Wala akong ibang intensyon, pero nagdulot ng eksena ang lalaking ito. Hindi maganda ang ugali niya sa akin—”

Slap!

Sinampal ni Nathan si Zane bago pa nito matapos ang kaniyang sinasabi!

Halos ginamit ni Nathan ang kaniyang buong lakas sa pagsampal sa anak; nagsimulang tumulo ang dugo mula sa gilid ng labi ng lalaki.

Hindi makapaniwala si Zane at tinakpan nito ang kaniyang pisngi. “Ama! Bakit mo ako sinampal?”

Nagulat din ang lahat.

‘Anong nangyayari?’

‘Hindi ba’t inamin ni Nathan na hindi niya kilala si Darren? Kung ganoon ay bakit nasa panig na siya nito at tinuruan pa niya ng lek