Tumayo lang doon si Darryl. Naramdaman niya na para bang nasayang ang kaniyang effort, mayroon ngang kasabihan na—hindi makakaramdam ng lamig ang isang patay na daga.

“Namatay na si Summer sa pagkalunod pero nagawa mo pa ring ipagyabang sa amin ang kalokohang feng shui mo! Huwag mo kaming pinagloloko! Umalis ka na rito!” Agad na sumama ang mukha ni Quincy sa sobrang galit.

Mayroon namang isang tao ang tumawa nang sabihin iyon ni Quincy. At hindi nagtagal ay nabalot ng tawanan ang lugar na iyon. Nasurpresa sila nang malaman nila na ganito pala kamiserable ang estado ng buhay ng Prince Consort sa loob ng palasyo, agad siyang minaliit ng lahat!

Ngumiti naman si Doctor Soros kay Darryl at sinabing. “Pero in fairness po sa inyo, Prince Consort, naging matalino po kayo nang gumamit kayo noon ng langgam para ipasok ang sinulid sa butas ng jade. Humahanga po ako sa tanglay ninyong katalinuhan. Pero pagdating po sa usaping medisina, hindi po talaga ako sumasangayon sa inyong mga sinabi!”