Nahilo si Darryl habang tinitingnan niya ang papel nang pagsusulit.

Siguro ay may alam siya kung ibang paksa ito pero wala siyang ideya sa kasaysayan kahit anong mangyari.

Paano niya malalaman ang tungkol sa kasaysayan ng Mistloren?

Kinamot ni Darryl ang kanyang ulo. Alas!

‘Ugh! Wala nang ibang paraan para ayusin ‘to!’

Matapos niyang mag-isip, kinuha niya ang panulat niya at nagsulat nang walang kwenta sa papel. Noong natapos niya na hanggang sa huling tanong, pakiramdam ni Darryl ay wala na siyang utak. Pagkatapos niyang ibigay ang papel, nakahinga na siya nang maluwag.

Hindi niya alam kung paano niya nalampasan ang unang araw niya sa paaralan.

Sa sandaling tumunog ang kampana, gustong tawanan ni Darryl ang sarili niya. Ugh! Sa wakas ay malaya na siya.

Sumunod si Darryl sa yapak ng mga tao at agad na bumaba sa hagdan. Tapos, napagtanto niya na sinusundan siya ni Bobby.

“Bakit mo ako sinusundan?” nagulat si Darryl habang nakatingin kay Bobby.

Kinamot ni Bobby ang ulo niya. H