Maraming ininom na alak si James.

Gayunpaman, habang mas dumarami ang iniinom niya, mas nagigising siya.

Bigla na lang, tumunog ang phone niya.

Dinampot niya ang phone mula sa mesa at nakita niyang tumatawag si Thea.

Sinagot niya ang tawag.

"Nasaan ka, James?"

Narinig ang boses ni Thea mula sa kabilang linya. Malamig at walang emosyon ang boses niya. Naiisip pa no James ang walang pakialam na ekspresyon ni Thea habang kausap siya.

"Anong problema? May nangyari ba?" Simpleng sabi ni James.

"May mga bagay na kailangan akong linawin sa'yo. Hindi madali na pag-usapan to sa tawag kaya dapat magkita tayo."

"Sige."

Hindi ito inisip ni James at kaagad na pumayag.

Pakiramdam niya rin na dahil gusto niyang makipaghiwalay, mas mabuting gawin na kaagad ang kakailanganing proseso.

"Nasaan ka? Pupuntahan kita."

Hindi sigurado si James kung nasaang bar siya dahil hindi niya tinignan ang pangalan nito nang pumasok siya.

Binaba niya ang phone at pinadala ang lokasyon kay The