Kasing bilis ng kidlat ang Omniscient Deity. Walang pagkakataon si James para magreact ng magpakita sa harap niya ang Omniscient Deity.

Napaatras siya sa gulat.

Tinitigan ni Wilbur ng masama ang hindi inaasahan na bisita.

Ibinuka niya ang bibig niya at nagsalita.

“Old Ignobarian?”

Matapos ito marinig ng Omniscient Deity, nagulat siya.

Agad na naintindihan ng Omniscient Deity ang pinagmulan ni Wilbur—isang Ignobar martial artist noong sinaunang panahon.

Bilang tao na dalawang libong taon ng nabubuhay, ang Omniscient Deity ay bihasa sa iba’t ibang mga lenguwahe sa iba’t ibang panig ng mundo kabilang ang mga sinaunang mga wika.

Pero, wala siyang sinabi kay Wilbur.

Nakatitig ang mga mata ng Omniscient Deity kay James.

May kumakalat na tsismis na patay na siya pero heto at buhay na buhay siya sa isla.

Tinitigan ni James ang Omniscient Deity na nakasuot ng pulang maskara, at nagtanong, “Sino ka? Bakit ka nandito?”

“Ha!”

Tumawa ang Omniscient Deity at sinabi, “Hindi mo na kailangan malaman k