“James…”

Noong nakita niya si James, malambing siyang binati ni Delilah at tinanong, “Anong gusto mong inumin? Kape o tsaa?”

“Tubig lang.”

Umupo si James.

Hindi na nagpaliguy-ligoy pa si Maxine at sinabing, “Kanina lang, pinuntahan ako ng pinuno ng mga Lee, na si Yasmine Lee. Sinabi niya sa’kin na balak ng Lee family na ibenta ang lahat ng mga negosyo nila sa mga Caden. Tsaka, balak nilang lisanin ang Capital at humanap ng liblib na lugar kung saan sila maaaring mamuhay ng tahimik.”

Nagtatakang nagtanong si James, “Ano? Magtatago sila sa panahon ngayon?”

Ang sabi ni Maxine, "Sa tingin ko natatakot silang madamay sa gulo. Kung sabagay, isa silang malaking pamilya na may daan-daang miyembro. Kapag nagkamali sila ng piniling panig, malaki ang magiging kapalit nito. Baka nga maubos pa sila. Iyon ang dahilan kung bakit balak nilang lisanin ang Capital."

Nagtanong si James, "Anong klaseng mga negosyo ba ang mayroon ang mga Lee?"

Ang sabi ni Maxine, "Hindi ko alam ang mga detalye,