Chapter 26

Napapikit siya at mabilis na tinakpan ng kamay ang mga mata nang magkislapan ang mga camera na sumalubong sa kanya nang makababa siya sa limousine na sinakyan patungo sa venue kung saan gaganapin ang anniversary party ng airlines. 

Sunod-sunod na tanong ang ibinato sa kanya ng mga reporter at halos magitgit siya sa kinatatayuan. Mabuti na lamang at siya muna ang lumabas sa limousine, nasa loob pa si Summer na alam niyang nakatingin sa kanya mula sa loob ng limousine. 

“Maraming balita na kumakalat na ikaw raw ang babae sa blind item na pinakasalan ng CEO ng Vesarius Airlines. Totoo ba ‘yon?”

Mas itinakip niya ang kanyang braso sa mga mata para takpan ang kanyang paningin pati na rin ang mukha. Mas nagkislapan din ang kamera kay mas iniharang niya