Chapter 11 (Part 1)

Umawang ang kanyang mga labi sa gulat nang makitang magkasalubong ang mga kilay na in-end ni Gideon ang tawag at matalim siyang tiningnan na para bang may ginawa siyang kasalan dito.

“Akin na ‘yan!” Tinangka niyang agawin ang kanyang cellphone mula rito. Ngunit, dahil sadyang tarantado si Gideon, inilayo pa nito iyon sa kanya.

“Ibalik mo ‘yan. Hindi naman ‘yan sa ‘yo.” Pilit niyang inaagaw ang cellphone niya rito na panay naman ang layo nito sa kanya.

At dahil matangkad ito at malaki ang katawan ay mistula siyang batang paslit na halos maglambitin sa katawan nito. 

“Boss, akin na!” Kulang na lang ay pumadyak siya sa inis at halos tadyakan ang lalaki.